2024-жылдын 5-сентябрында Алматы шаарында XII Казакстан-Германия Логистика Форуму өтүп, логистика жана транспорт жаатындагы маанилүү темалар талкууланды. Ар кандай өлкөлөрдөн келген катышуучулар эки сессиянын алкагында өз билимдери жана тажрыйбалары менен бөлүшүштү. Бул иш-чарага бир катар алдыңкы логистика жана транспорт адистери катышып, логистика тармагындагы учурдагы маселелер жана билим берүү жаатындагы суроолор талкууланды.
Спикерлердин бири Кыргызстандын өкүлү,Кыргыз мамлекеттик техникалык университетинин эл аралык жогорку логистика мектебинин директору, экономика илимдеринин доктору, профессору Уметалиев Акылбек Сапарбекович да катышты.
Кыргызстандын дагы бир өкүлү, Кыдыков Азизбек Асабекович, Кыргыз мамлекеттик техникалык университетинин доценти, "Бир алкак, бир жол" программасынын алкагында Кыргыз Республикасынын эл аралык транспорттук коридорлорун бириктирүү темасында презентация жасады.
Биринчи сессиянын негизги темаларынын арасында глобалдык логистикалык демилгелер, мисалы, "Бир алкак - бир жол", Транскаспий эл аралык транспорттук маршруту, контейнеризация жана Казакстандын транспорт системасынын мүмкүнчүлүктөрү жана чакырыктары талкууланды. Спикерлердин арасында Казакстандын ири транспорттук уюмдарынын өкүлдөрү жана Германия, Кытай жана Борбордук Азия өлкөлөрүнүн эл аралык эксперттери болду.
Ошондой эле, жүк ташуу жана логистикадагы санариптик чечимдердин потенциалын ачууга өзгөчө көңүл бурулду.
Экинчи сессия логистика тармагындагы билим берүү маселелерине арналды. Анда академиялык жана кесиптик даярдык, ошондой эле эл аралык билим берүү программаларын интеграциялоо маселелери талкууланды. Катышуучулар кош билим берүү системасын, университеттер менен иш берүүчүлөрдүн кызматташтыгын жана логистикадагы тренингдерди геймификациялоо сыяктуу жаңы концепцияларды талкуулашты.
Төмөнкү докладдар менен чыгып сүйлөштү:
